Türkmenistanyň Prezidenti Ýeňiş güni mynasybetli dabaralara gatnaşmak üçin Moskwa geldi
Türkmenistanyň Prezidenti Serdar Berdimuhamedow Beýik Watançylyk urşunda gazanylan Ýeňşiň 79 ýyllygy mynasybetli geçiriljek dabaralara gatnaşmak üçin Moskwa geldi. Bu barada Türkmenistanyň Russiýadaky ilçihanasy habar berýär.
Ozal Russiýanyň Prezidenti Wladimir Putin Serdar Berdimuhamedowy Moskwada Ýeňiş güni mynasybetli geçiriljek dabaraly çärelere çagyrypdy, şeýle hem Beýik Watançylyk urşunda gazanylan Ýeňşiň 79 ýyllygy bilen gutlapdy. RF-niň döwlet Baştutany Beýik Watançylyk urşy ýyllarynda kemala gelen dostluk däpleriniň iki ýurduň we halkyň arasyndaky gatnaşyklary ösdürmek üçin mundan beýläk-de berk binýat bolup hyzmat etjekdigine ynam bildirdi.
Moskwada Ýeňiş güni mynasybetli dabaralara Täjigistanyň Prezidenti Emomali Rahmon, Gyrgyzystanyň Prezidenti Sadyr Žaparow, Özbegistanyň Prezidenti Şawkat Mirziýoýew, Belarusyň Prezidenti Aleksandr Lukaşenko, Gazagystanyň Prezidenti Kasym-Žomart Tokaýew hem gatnaşarlar.
Kubanyň Prezidenti Migel Dias-Kanel Bermudes, Laosyň Prezidenti Thonglun Sisulit we Gwineýa-Bisaunyň Prezidenti Umaru Sisoku Embalo hem gatnaşandyklaryny tassykladylar.
Ýeňiş güni mynasybetli dabaraly harby ýöriş 9-njy maýda Gyzyl meýdançada geçiriler. Russiýanyň Goranmak ministri Sergeý Şoýgu 9 müňden gowrak adamyň, 70-den gowrak harby tehnikanyň, şeýle hem uçarman toparlarynyň dabaraly harby ýörişe gatnaşjakdygyny habar berdi.
ORIENT news
