Serdar Berdimuhamedow iş sapary bilen Moskwa ugrady
Şu gün, 8-nji maýda Türkmenistanyň Prezidenti Serdar Berdimuhamedow günüň ikinji ýarymynda Russiýa Federasiýasyna iş sapary bilen ugrady. Türkmenistanyň döwlet Baştutany Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 79 ýyllygy mynasybetli guraljak dabaralara hormatly myhman hökmünde gatnaşar.
Aşgabadyň Halkara howa menzilinde döwlet Baştutanyny resmi adamlar ugratdylar diýip, Türkmenistanyň Döwlet habarlar agentliginiň saýtynda habar berilýär.
Türkmenistanyň Prezidentiniň Russiýa Federasiýasyna şu gezekki sapary häzirki döwürde täze itergi berlen we many-mazmun taýdan baýlaşdyrylan netijeli döwletara gatnaşyklary okgunly ösdürmekde nobatdaky ädimdir diýlip, çeşmede bellenilýär.
ORIENT news
