Rimde Türkmenistanyň FAO bilen özara hyzmatdaşlygynyň meseleleri ara alnyp maslahatlaşyldy
BMG-niň Azyk we oba hojalyk guramasynyň ştab-kwartirasynda Türkmenistanyň Italiýa Respublikasyndaky Adatdan daşary we Doly ygtyýarly ilçisi Toýly Kömekowyň FAO-nyň işgärler bölüminiň başlygy Serž Nakuzi bilen duşuşygy boldy.
Toýly Kömekow Guramanyň işine ýokary baha berdi we Türkmenistanyň oba hojalygy durnukly ösdürmek hem-de azyk howpsuzlygyny üpjün etmek babatda iň gowy dünýä tejribesini peýdalanmaga gönükdirilen netijeli hyzmatdaşlygy giňeltmegi maksat edinýändigini belledi.
Türkmenistanyň wekillerini FAO-nyň dürli düzümlerinde iş tejribesini geçmegi, oba hojalygy, howanyň üýtgemegi, suw serişdelerini dolandyrmak we çölleşmä garşy göreşmek ugurlarynda ýokary derejeli hünärmenleri taýýarlamak ara alnyp maslahatlaşylan aýratyn meseleler boldy.
ORIENT news
