«Galkan» ussatlyk görkezýär: topar Aşgabatda geçirilýän halkara ýaryşda uly hasap bilen Omandan üstün çykdy
Aprel 16, 2024 | 16:11 |8417
Aşgabatda geçirilen şaýbaly hokkeý boýunça halkara ýaryşynda Türkmenistanyň «Galkan» hokkeý toparynyň oýunçylary ýene bir ynamly ýeňiş gazandylar.
Türkmenistanyň Içeri işler ministrliginiň topary Omanyň hokkeýçilerini 15:1 hasabynda ýeňdi. Ondan öň türkmen topary bahreýnli hokkeýçiler bilen geçirilen oýunda hem uly ýeňiş gazanypdy.
Şeýlelikde, «Galkan» 6 utuk toplap, «A» toparçada birinji orunda barýar.
Olaryň indiki garşydaşy Eýranyň wekilleri bolar.
Aşgabatda geçirilýän halkara ýaryşa Ýewropadan we Aziýadan toparlar gatnaşýarlar. Ýaryş 20-nji aprele çenli dowam eder.
ORIENT news
