Russiýa – Merkezi Aziýa – Kawkaz sebitiniň ulaglar boýunça iş toparynyň şu ýyldaky ilkinji mejlisi geçirildi
Onlaýn görnüşinde Russiýa – Merkezi Aziýa – Kawkaz sebitiniň ulaglar boýunça iş toparynyň 2024-nji ýyldaky ilkinji mejlisi geçirildi diýip, «Türkmenawtoulaglary» agentligi habar berýär.
Duşuşyga gatnaşyjylar Russiýa — Merkezi Aziýa — Kawkaz sebitinde ýük daşamagyň we eksportyň möçberi boýunça statistika maglumatlary bilen tanyşdylar. Maglumat Halkara Ulagçylar Assosiasiýasynyň (UND) statistika we maglumat seljerişi boýunça hünärmeni Jansu Kyryk tarapyndan tanyşdyryldy.
Şeýle hem wekillere 2024-nji ýylyň dowamynda Russiýa — Merkezi Aziýa — Kawkaz sebitinde bellige alnan geçiş resminamalarynyň ulanylyşy barada maglumat berildi.
Duşuşygyň ahyrynda taraplar Türki dünýäsiniň döwletleriniň Milli ulag birleşiklerini döretmek meselesini ara alyp maslahatlaşmak üçin maslahat guramak barada ylalaşdylar.
ORIENT news
