Ermenistanyň Ykdysadyýet ýokary okuw mekdebiniň mugallymy türkmen talyplary üçin okuw sapagyny geçdi
Ermenistanyň Döwlet ykdysady uniwersitetiniň mugallymy Narek Karapetýan Türkmen döwlet ykdysadyýet we dolandyryş institutynyň talyplary üçin okuw sapagyny geçdi. Bu barada Türkmenistanyň Ermenistandaky ilçihanasy habar berýär.
Sapagyň mowzugy “Yzygiderli özgertmeler ösüp barýan ýurtlarda ösüşi dikeltmegiň esasydyr”. Bu sapak Türkmenistan bilen Ermenistanyň arasyndaky ynsanperwerlik hyzmatdaşlygy işjeňleşdirmegiň çäklerinde geçirilýär.
Häzirki döwürde Magtymguly adyndaky Türkmen döwlet uniwersiteti bilen Ýerewan döwlet uniwersitetiniň, SA.Nyýazow adyndaky Türkmen oba hojalyk uniwersiteti bilen Ermenistanyň Milli oba hojalyk uniwersitetiniň, Türkmenisatnyň Daşary işler ministrliginiň Halkara gatnaşyklary instituty bilen Ermenistan Respublikasynyň DIM-nyň diplomatik mekdebiniň arasynda hyzmatdaşlyk etmek hakynda Ylalaşyklara gol çekildi.
Şeýle hem hyzmatdaşlyk etmek hakynda Ylalaşyklara gol çekmäge iki ýurdyň ykdysadyýet, sazçylyk we sungat ugurly ýokary okuw mekdeplere taýýarlyk görýärler.
Geljekde Türkmen Döwlet ykdysadyýet we dolandyryş institutynyň mugallymy Çarymuhammet Şallyýewiň Ermenistanyň Döwlet ykdysadyýet uniwersitetiniň diňleýjileri üçin “Milli hasaplaryň ulgamy we esasy makroykdysady görkezijiler” mowzugy bilen okuw sapagyny geçmegine garaşylýar.
ORIENT news
