«Türkmenpoçta» «POSTSHOP» internet platformasynyň ilkinji offlaýn-dükanyny açdy
Aşgabatda «Türkmenpoçta» poçta aragatnaşyk kompaniýasyna degişli «POSTSHOP» internet-platformasynyň ilkinji offlaýn-dükany açyldy.
«POSTSHOP» dükany şu salgyda ýerleşýär: Aşgabat şäheri, B. Annanow köçesi, 39 A. Dükan dynç günsüz sagat 9:00-dan 20:00-a çenli işleýär.
Alyjylaryň özleri gelip, hödürlenýän önümleriň dürli görnüşleri bilen tanşyp, soňra harydy satyn alyp bilerler. «POSTSHOP» hojalyk tehnikalaryny, kompýuter tehnikasy üçin enjamlary, dynç alyş we syýahatçylyk üçin harytlary hödürleýär.
Geljekde önümleriň görnüşlerini artdyrmak meýilleşdirilýär. Hususan-da, kanselýariýa esbaplaryny we hojalyk himiýa serişdelerini satyn alyp bolar.
Töleg nagt ýa-da nagt däl görnüşde amala aşyrylyp bilner.
Şeýle hem türkmen we rus dillerinde elýeterli bolan «POSTSHOP» mobil programmasy hereket edýär.
«Türkmenpoçta» kompaniýasynyň harytlary/hyzmatlary satmak we satyn almak boýunça hyzmatlaryndan shop.post.tm resmi saýtynda, şeýle hem «POSTSHOP» mobil programmasy arkaly ýa-da +993 (65) 72-89-52 telefon belgisine jaň edip peýdalanyp bilersiňiz.
ORIENT news
