Türkmen gämi gurluşykçylary koreý inženerlerinden tejribe alarlar
Aprel 03, 2024 | 09:24 |8266
«Balkan» gämi gurluşyk we abatlaýyş zawody bilen «Koryo Shipbuilding Industry Technology Co., Ltd.» kompaniýasynyň arasyndaky hyzmatdaşlygyň çäklerinde türkmen hünärmenleri tejribeli koreý inženerleriniň ýolbaşçylygynda bilim alarlar.
Munuň özi “Bureau Veritas” halkara klassifikasiýa jemgyýetinden gämi gurluşyk işine laýyklyk güwänamasyny almak üçin zerurdyr. Koreýaly hyzmatdaşlar gämileri abatlamak işinde uly tejribesi bolan zawodyň işgärleriniň hünär derejesine ýokary baha berdiler.
Bu hyzmatdaşlyk ýurdumyzyň gämi gurluşyk pudagyna täze derejä çykmaga, işgärleriň hünär derejesini ýokarlandyrmaga ýardam berer.
ORIENT news
