Dohada EKSPO-2023 Halkara bagçylyk sergisi tamamlandy
Kataryň paýtagtynda EKSPO-2023 halkara bagçylyk sergisi tamamlandy.
Ol 179 gün dowam etdi we köpsanly myhmanlary özüne çekdi. Sergi Sergileriň Halkara sergiler býurosynyň hem-de bagçylyk ulgamyndaky önüm öndürijileriň Halkara assosiasiýasynyň howandarlygynda geçirildi.
Bu çäre myhmanlara, şol sanda gatnaşyjy ýurtlaryň resmi wekiliýetlerine, syýahatçylara dekoratiw baglara tomaşa etmäge, maslahatlara gatnaşmaga hem-de Al-Bidda seýilgähindäki ýörite zolakda geçirilen dürli medeni çärelere tomaşa etmäge mümkinçilik berdi.
Serginiň ýapylyş dabarasynyň çäklerinde sylaglary gowşurmak, şol sanda has tapawutlanan pawilýonlary bolan ýurtlara sylaglary gowşurmak dabarasy boldy. Türkmenistan dünýä dizaýnyny ösdürmäge goşan bimöçber goşandy üçin orta ululykdaky pawilýonlaryň arasynda üçünji orna mynasyp boldy.
Türkiýe özboluşly ösümlikleri hem-de gülleri, Ýaponiýa bolsa önümleriniň ýokary hili üçin sylaglanyldy.
Şeýle hem sylaglanan ýurtlaryň hatarynda Oman, Sudan, Italiýa, Kabo-Werde, Alžir, Ýemen ýaly ýurtlar bar.
