Aýda demir ýol peýda bolar
Northrop Grumman kompaniýasy Aýdaky demir ýol taslamasyny düzer.
Aýda demir ýol konsepsiýasyny döretmek baradaky şertnama Öňdebaryjy goranyş barlag taslamalary agentligi (DARPA) bilen baglaşyldy.
Bu taslama ýeriň hemrasynda düýpli gurluşyklaryň ugurlaryny öwrenmäge gönükdirilen «Aý binagärligi» (LunA-10) maksatnamasynyň çäklerinde durmuşa geçiriler.
Aýda demir ýol gurmak zerurlygy iki sebäp bilen şertlendirilendir.
Birinji sebäp – mineral känleri ýa-da suw buzy ýaly obýektlaryň arasyndaky aralygyň uzak bolmagy. Aý pyýada ýörärden, onda-da ýükli ýörärden gaty ulydyr. Şoňa görä-de ony özleşdirmek üçin ýörüte ulag ulgamy gerek.
Ikinji sebäp has-da möhüm. Aýda atmosferanyň we çygyň ýokdygy sebäpli tozan palçyga öwrülmeýär we toprak guraklaşmaýar. Şunuň bilen baglylykda, ownujak çägeler galtaşýan her bir zada mehaniki täsir edýär. Tozanjyklar statiki elektron toguny toplamak bilen, töweregindäki her bir zada täsirini ýetirýär, şonuň netijesinde bolsa ýene-de has köp ownuk bölejikler peýda bolýar.
Tozan ähli zada siňip, islendik enjamy, şol sanda skafandyrlary ýuwaş-ýuwaşdan hatardan çykarýar. Şoňa görä-de, hereket edende tozan döretmeýän ulag gerek bolup durýar.
ORIENT news
