«Türkmenaragatnaşyk» agentliginiň Politehniki orta hünär okuw mekdebinde zenan dünýäsiniň gözelligine bagyşlanan wagyz-nesihat çäresi geçirildi
Ýurdumyzda eli çeper ene-mamalarymyzyň we gelin-gyzlarymyzyň zehin-paýhasyndan kemala gelen halkymyzyň medeni mirasyny we milli gymmatlyklaryny wagyz etmekde uly işler alnyp barylýar.
29-njy fewralda, «Türkmenaragatnaşyk» agentliginiň Politehniki orta hünär okuw mekdebinde ýurdumyzda giňden bellenilýän Halkara zenanlar güni mynasybetli gelin-gyzlaryň gatnaşmagynda wagyz-nesihat çäresi geçirildi.
Wagyz-nesihat çäresine Türkmenistanyň Magtymguly adyndaky Ýaşlar Guramasynyň, Türkmenistanyň Ýaşulylar Geňeşiniň we ýurdumyzyň beýleki pudak edaralarynyň wekilleri hem-de «Türkmenaragatnaşyk» agentliginiň edara-kärhanalarynyň gelin-gyzlary gatnaşdylar.
Çäräniň dowamynda edilen çykyşlarda ýurdumyzda zenanlara goýulýan egsilmez hormat-sarpa, olar üçin döredilýän ajaýyp şert-mümkinçilikler dogrusynda buýsanç bilen gürrüň edildi.
ORIENT news
