Türkmenistanda talyplaryň arasynda kiberbäsleşik geçiriler
Türkmen döwlet binagärlik-gurluşyk institutynda ýokary we orta hünär okuw mekdepleriniň talyplarynyň arasynda hakaton geçiriler. Bu barada “Türkmenistan: Altyn asyr” internet neşiri habar berýär.
«CyberQuest» diýen ady alan tehnologiýa bäsleşigi 18-19-njy martda ady agzalan institutda toparlaýyn görnüşde toplanan utuklaryň hasaplanylmagy esasynda geçiriler. Oňa her okuw mekdebinden 3 topar gatnaşyp bilýär. Gatnaşmaga gyzyklanma bildirýän toparlar özleriniň ýüztutmalary 1-nji marta çenli tdbgi.hakaton@gmail.com salgyly elektron poçta ugratmalydyrlar.
«CyberQuest» atly iki günlük tehnomarafon häzirki döwrüň talaplaryna laýyk gelýän sanly çözgütleri işläp taýýarlamaga ukyply zehinleri ýüze çykarmagy maksat edinýär. Şeýle hem bäsleşik maglumat tehnologiýalary ulgamynda ýokary derejeli bilermenleri taýýarlamaga we talyp ýaşlaryň ylmy başlangyçlaryny goldamaga gönükdirilendir.
ORIENT news
