Türkmenistanyň we Kipr Respublikasynyň Russiýadaky ilçileri duşuşdylar
Türkmenistanyň Russiýa Federasiýasyndaky ilçisi Esen Aýdogdyýew Moskwada Kipr Respublikasynyň Russiýadaky we Türkmenistandaky ilçisi Kipros Ýorgallis bilen duşuşdy.
Diplomatik wekilhanalaryň ýolbaşçylary döwletara hyzmatdaşlygy barada pikir alyşdylar. Syýasy-diplomatik, söwda-ykdysady we medeni-ynsanperwer ulgamlaryndaky ýakyn geljek üçin hyzmatdaşlyk mümkinçiliklerine garaldy. Bu barada Türkmenistanyň Russiýa Federasiýasyndaky ilçihanasy habar berýär.
Diplomatlar ikitaraplaýyn gatnaşyklary BMG-niň we beýleki halkara guramalarynyň çäklerinde mundan beýläk-de ösdürmegiň möhümdigini bellediler. Umuman, duşuşyk, dostluk we özara düşünişmek ýagdaýynda geçirildi.
Kipros Ýorgallis Kipr Respublikasynyň Türkmenistandaky ilçisi hökmünde resmi ýagdaýda 2023-nji ýylyň maý aýynda akkreditirlendi.
ORIENT news
