Ahalyň daýhan birleşiginde damjalaýyn suwaryş ulgam gurnalar
Fewral 07, 2024 | 10:23 |5901
Türkmenistanyň Döwlet ösüş banky 300 gektar ýerde bag nahallaryny suwarmak üçin damjalaýyn suwaryş ulgamynyň taslamasyny düzmek, ony enjamlaşdyryp gurnamak we ulanmaga doly taýýar edip tabşyrmak şerti bilen açyk görnüşli bäsleşik yglan etdi. Bu bildiriş döwlet metbugatynda çap edildi.
Suwaryş ulgamyny gurnamaly bag ýeri Ahal welaýatynyň Bäherden etrabynyň Mürçe daýhan birleşiginde ýerleşýär. Bäsleşige gatnaşmaga isleg bildirýänleriň teklipleri 30 iş gününiň dowamynda kabul edilýär. Munuň üçin degişli nusgadaky ýüztutmany doldurmak zerurdyr.
Resminamalar Aşgabat şäheriniň A.Nyýazow şaýolunyň 143-nji jaýynda kabul edilýär.
Habarlaşmak üçin telefon belgisi: (+99312)21-04-63.
ORIENT news
