Hytaý dünýäde ilkinji bolup emeli intellektli hemrasyny uçurdy
Fewral 04, 2024 | 01:10 |8542
CGTN-iň berýän habaryna görä, Hytaýdaky Taýýuan hemra uçuryş merkezi ilkinji täjirçilik emeli intellekt gipersputnigini orbita üstünlikli çykardy. “Smart Dragon-3” (SD-3) kysymly ulgam, Pekin wagty bilen sagat 11:06-da uçuş meýdançasyndan ugrady, AI gipersputnigi öz içine alýan dokuz hemra toparyny älem giňişligine alyp gitdi.
“Rongpýao” ýa-da “Xingshidai-18” diýlip atlandyrylýan AI gipersputnigi, kompaniýanyň altynjy nesli “hemra beýnisi” ulgamy bilen enjamlaşdyrylan toplumlaýyn datçikli tor hemrasydyr.
AI-hemrasy orbitadaky sintez algoritmini barlamak üçin niýetlenendir we geljekki aragatnaşyk ulgamlary üçin uzakdan integrirlenen platforma mümkinçiligine eýedir.
ORIENT news
