Gazagystanda «Çagalar üçin Milli gazna» maksatnamasynyň çäklerinde ilkinji tölegler gelip başlady
Bu maksatnama gatnaşýan çagalaryň ýörite hasaplaryna 2023-nji ýylyň dowamynda 100,52 dollar geçirildi diýip, Tengrinews.kz habar berýär.
2006-njy ýylda we şondan soň doglan gazagystanly çagalar geljek üçin döwletden başlangyç maýasyny alarlar. Her ýyl olaryň ýörite hasaplaryna Gazagystanyň Milli gaznasynyň, ortaça, 18 ýyllyk maýa goýum girdejisiniň 50%-i geçiriler.
Öňki ýyllarda çagalara bölünip berlen puluň mukdarlaryna Milli gaznanyň serişdeleriniň düzüminde maýa goýulmagy dowam etdiriler. Bu bolsa olaryň goşmaça girdeji getirjekdigini aňladýar.
Çagalar 18 ýaşyna ýetýänçä bu pullary alyp bilmezler. Bu serişdeler olara diňe kämillik ýaşyna ýetenlerinden soň elýeterli bolar. Toplanan pul ýaşaýyş şertlerini gowulandyrmak ýa-da bilim hyzmatlarynyň tölegini tölemek üçin ulanylyp bilner. Deslapky çaklamalara görä, maksatnama gatnaşmagynyň ähli döwürlerini jemläniňde, çagalar üç-dört müň dollar aralygynda pul alarlar.
2024-nji ýylda bu maksatnama şu ýyl 18 ýaşyny doldurýan çagalar giriziler. Olaryň hasabyna 2023-nji ýyl üçin degişli serişdeler geçiriler, olar bu puly diňe kämillik ýaşyna ýetenlerinden soň göz öňünde tutulan maksatlar üçin ulanyp bilerler.
2024-nji ýylda ýaş gazagystanlylaryň 250 müňden gowragynyň Milli gaznadan pul serişdelerini almagyna garaşylýar. Çagalara, takmynan, 695,5 million dollar bölünip berler.
Ýatlatsak, ozal Gazagystanyň Maliýe ministrligi Milli gaznanyň hasabyndaky serişdeleriň 2024-nji ýylyň 1-nji fewralyndan çagalara tölenip başlanjakdygyny habar beripdi.
ORIENT news
