Türkmenistanyň Russiýadaky ilçisi Leningrad söweşlerinde şehit bolan Türkmenistanyň Gahrymanlaryny hatyralady
Türkmenistanyň Russiýa Federasiýasyndaky Adatdan daşary we Doly ygtyýarly ilçisi Esen Aýdogdyýew şu gün, 27-nji ýanwarda, Sankt-Peterburgda bolup geçen faşistik gabawdan Leningradyň doly azat edilmeginiň 80 ýyllygyna bagyşlanan çärelere gatnaşdy.
Piskarýowskiý ýadygärlik gonamçylygynda geçirilen matam dabarasynda Türkmenistanyň ilçisi, Leningrad ugrundaky söweşlerde şehit bolan Türkmenistanyň Gahrymanlarynyň ýadygärligine gül goýdy. Dabara gatnaşanlar Watan ugrunda wepat bolanlaryň hatyrasyna hormat goýdular.
Şol gün, Russiýa Federasiýasynyň medeni we sungat işgärleriniň gatnaşmagynda “Gazprom Arena” stadionynda bu möhüm senä bagyşlanan konsert geçirildi. Agşam Köşk meýdançasynda “Leningrad. Durmuşyň ady bilen” multimediýa spektaklynyň görkezilişi bolar.
ORIENT news
