Türkiye, türkmen energiýasyny Günbatar bazarlaryna daşamak üçin geçelge bolmagy maksat edinýär
Türkiýäniň Türkmenistandaky ilçisi Ahmet Demirok 25-nji ýanwarda Aşgabatda geçirilen metbugat ýygnagynda Türkmenistan tebigy gazyň we elektrik energiýasynyň eksporty babatynda möhüm orny eýeleýär diýip, belledi. Ol “türkmen tebigy gazyny we elektrik energiýasyny günbatar bazarlaryna daşamak boýunça işleriň ýakyn wagtda başlanjakdygyna” umyt bildirdi.
Ilçi Türkiýäniň gaz geçirmek üçin gowy ugur bolup biljekdigini belledi.
Demirok, Türkiye gaz merkezine öwrülmegi maksat edinýändigini aýtdy. Ilçi sözüniň üstüni ýetirip: "Russiýa bilen baglanyşykly bu ugurdaky işlerimiz dowam edýär, elbetde, biz diňe rus gazy bilen çäklenmek islemeýäris, üpjünçiligi diwersifikasiýa etmek isleýäris".
Geçen ýylyň dekabrynda Türkiýäniň wise-prezidenti Jewdet Ýylmaz Aşgabatda geçirilen türkmen-türk işewürlik forumynda şuny mälim etdi: "Biz türkmen elektrik energiýasyny we tebigy gazyny dünýä bazarlaryna eltmek üçin täze we örän uly taslamalary bilelikde durmuşa geçirmäge we ösdürmäge taýýar".
ORIENT news
