"Ýigit" Hojalyk jemgyýeti - oňat önümleriň üpjünçiligi
USAID-iň Merkezi Aziýa Söwda Maksatnamasynyň ORIENT habarlar agentligi bilen bilelikdäki «Eksport ekoulgamy ösdürmek başlangyjy» atly rubrikasynyň işiniň çäginde eksport tejribesini paýlaşan indiki kärhana “Ýigit” Hojalyk jemgyýetidir. Bu kompaniýanyň eksport tejribesi barada “Ýigit” Hojalyk jemgyýetiniň Ýyladyşhanalar toplumynyň baş müdiri Maksat Şirow Bize giňişleýin gürrüň berdi.
“Ýigit” Hojalyk jemgyýeti 2008-nji ýylda esaslandyryldy. 2015-nji ýyldan başlap, kärhana agrosenagat ugrunda işläp başlaýar we umumy meýdany 1000 gektar bolan territoriýada ekerançylyk işleri bilen meşgullanyp başlaýar. 2018-nji ýylda umumy meýdany 100 müň inedördül metri bolan, pomidor görnüşleriniň ýylda 3600000 kilogrammyny öndürýän ýyladyşhana toplumynyň birinji tapgyry guruldy.
Soňra 2019-njy ýylda umumy meýdany 200 müň inedördül metri bolan ýene iki sany teplisa toplumynyň gurluşygy boýunça işler tamamlandy. Şeýlelik bilen, umumy önümçilik kuwwaty pomidor görnüşleriniň ýylda 12 million kilogrammyna ýetdi. Söhbetdeşliginiň doly wideosyny şu ýerde görüp bilersiňiz. (*Wideony göreniňizde "subtitrleri açmak/ýapmak" opsiýasyny ulanyp bilersiňiz).
Habarlaşmak üçin:
"Ýigit" Hojalyk jemgyýeti
Telefon: +993 12 24 40 50
Web-sahypasy: http://www.yigithj.com
e-mail: info@yigithj.com
Salgysy: Türkmenistan, Aşgabat şäheri, Bagtyýarlyk etraby, Ruhabad obasy, Garagum köçesi, 9-njy bina.
Bu neşir USAID-ň Merkezi Aziýa Söwda Maksatnamasy ORIENT habarlar portaly bilen bilelikde "Eksport ekoulgamy ösdürmek başlangyjy" atly rubrikanyň çäginde taýýarlanyldy.
