Eýranyň Horasan-Rezawi welaýatynyň gubernatory Mary şäherine iş saparyny amala aşyrdy
Hususy pudagyň ýolbaşçylaryndan we Horasan-Rezawi welaýatynyň gubernatory Ýakub Ali Nazariniň ýolbaşçylygyndaky Eýranyň wekiliýeti Türkmenistanyň Mary welaýatyna baryp, onuň ykdysady potensialy we infrastrukturasy bilen tanyşdy.
Gubernator Mary sebitiniň ýolbaşçylary bilen duşuşdy we olar bilen söwda hyzmatdaşlygyny giňeltmegiň mümkinçilikleri we ýollary barada pikir alyşdy. IRNA-nyň habaryna görä, senagat, oba hojalygy, ulag, syýahatçylyk, ylmy we lukmançylyk pudaklarynda özara gatnaşyklar barada pikir alyşyldy.
Ikitaraplaýyn şertnamalaryň ýerine ýetirilmegine we iki serhet sebitiniň arasynda söwda, ykdysady, ylmy, tehniki we medeni hyzmatdaşlyk baradaky Prezident Serdar Berdimuhamedowyň 2022-nji ýylyň iýun aýynda Tährana eden sapary wagtynda gol çekilen özara düşünişmek Ähtnamasynyň düzgünlerine aýratyn üns berildi.
Horasan-Rezawiniň hususy we jemgyýetçilik pudaklarynyň wekilleriniň Mary şäherine sapary şu hepdäniň sişenbe güni başlandy we bu ugurda gepleşikler geçirilenden soň, Eýran wekiliýeti Aşgabat şäherine geldi.
ORIENT news
