Eýranyň Horasan-Rezawi sebitiniň häkimi iş sapary bilen Mary welaýatyna geldi
Horasan-Rezawi sebitiniň häkimi Ali Nazariniň ýolbaşçylygyndaky wekiliýet iş sapary Türkmenistanyň Mary welaýatyna bardy. Ýerini ýetiriji häkimiýet edaralarynyň we hususy düzümleriň wekillerinden ybarat topar sebitiň ykdysady mümkinçilikleri we desgalary bilen tanyş boldy.
Türkmenistanyň we Eýranyň degişli sebitleriniň häkimleri duşuşyk geçirip, söwda hyzmatdaşlygy giňeltmek meselelerini maslahatlaşdylar. Şeýle hem senagat, oba hojalyk, ulag, syýahatçylyk, ylym we lukmançylyk ugurlaryndaky özara gatnaşyklar boýunça pikir alşyldy.
Prezident Serdar Berdimuhamedowyň 2022-nji ýylyň iýun aýynda Tähran şäherine amala aşyran saparynyň çäklerinde gol çekilen iki ýurduň serhetýaka sebitleriniň söwda-ykdysady, ylmy-tehniki we medeni hyzmatdaşlygy hakynda özara düşünişmek Ähtnamasynyň durmuşa geçirilmegine aýratyn ähmiýet berilýär.
Sişenbe güni bolan sapardan soň, goňşy döwletiň Horasan-Rezawi sebitiniň wekiliýeti Aşgabat şäherine ugrady.
ORIENT news
