"Türkmengeologiýa" agyz suw ýataklaryny gözlemek işlerini alyp barýar
“Türkmengeologiýa” döwlet korporasiýasynyň işgärleri Türkmenistanyň sebitleriniň çäginde agyz suw ýataklaryny gözlemek we ýüze çykarmak boýunça işleri geçirýärler. Wise-premýer Batyr Amanow döwrebap tehnikalaryň kömegi bilen ýerasty suwlary gözlemek işleriniň alnyp barylýandygyny anna güni geçirilen Hökümet mejlisinde aýtdy.
Prezident Serdar Berdimuhamedow gidrogeologlaryň täze agyz suw ýataklaryny gözlemek we ýüze çykarmak boýunça alyp barýan işleriniň möhümdigini belläp, bu meselede netijeli işleriň geçirilmelidigini we zerur bolan halatynda, korporasiýanyň maddy-enjamlaýyn üpjünçiligini yzygiderli gowulandyryp durmagy tabşyrdy.
Suw meselesine Ministrler Kabinetiniň Başlygynyň orunbasary Taňryguly Atahallyýewiň hasabatynda hem durlup geçildi. Ol oba hojalyk ekinlerini suw bilen ýeterlik möçberde üpjün etmek maksady bilen, suw howdanlarynda suw toplamak, suwdan rejeli peýdalanmak, ýerleriň melioratiw ýagdaýyny gowulandyrmak ugrunda degişli çäreleriň görülýändigini aýtdy.
ORIENT news
