Türkmenistan we Gyrgyzystan diplomatik gatnaşyklaryň gün tertibini ylalaşdylar
Türkmenistanyň daşary işler ministriniň orunbasary Serdar Muhammetdurdyýew bilen Gyrgyzystanyň ilçisi Azizbek Madmarow bilen geçirilen duşuşykda iki ýurduň energetika, ulag-logistika pudaklaryndaky hyzmatdaşlygynyň geljegine garaldy.
Döwletara gatnaşyklaryny giňeltmegiň çäklerinde, taraplar özara hyzmatdaşlygy mundan beýläk-de çuňlaşdyrmaga itergi berjek ýokary derejeli özara saparlary gurmagyň meselelerini maslahatlaşdylar. Bu barada Gyrgyzystanyň Daşary işler ministrliginiň metbugat beýanatynda mälim edilýär.
Söwda-ykdysady, ylmy-tehniki we ynsanperwer hyzmatdaşlygy boýunça döwletara türkmen-gyrgyz toparynyň 6-njy mejlisine taýýarlyk işleri barada hem gürrüň edildi. Bu topar iki ýurduň arasyndaky ykdysady hyzmatdaşlygy sazlaşykly ösdürmek üçin amatly meýdança bolup hyzmat edýär.
ORIENT news
