9-njy Gyşky Aziýa oýunlary resmi taýdan şygary, nyşany we şekilini tanyşdyrdy
11-nji ýanwarda Hytaýyň iň demirgazygynda ýerleşýän Heýlunszýan welaýatynyň paýtagty Harbin şäherinde 2025-nji ýylda geçiriljek 9-njy Gyşky Aziýa oýunlarynyň resmi taýdan şygary, nyşany we şekilini tanyşdyrdy.
«Öňe gidişlik» nyşany, «Binbin» we «Nini» şekilleri, şeýle hem «Gyşky arzuw, Aziýanyň arasynda söýgi» şygary bu iri sport çäresiniň resmi nyşanlary bolar.
2023-nji ýylyň 19-njy sentýabrynda ýüztutmalaryň ählumumy kabul edişliginiň yglan edilen gününden bäri bütin dünýäden jemi 4608 teklip, şol sanda 3560 sany şygar, 760 sany nyşanyň dizaýny we 330 sany şekiliň dizaýny boýunça iş kabul edildi. Işler öňdebaryjy sungat akademiýalaryndan we meşhur dizaýnerlik institutlaryndan, şeýle hem ilatyň dürli gatlaklaryndan gelip gowuşdy.
«Gyşky arzuw, Aziýanyň arasynda söýgi» şygary Aziýa ýurtlaryny buz we gar pudagy bilen baglanyşdyrýar. Bu çäräniň buz we gar ykdysadyýeti üçin täze ösüş meýdançasyny döretmegine hem-de Aziýa ýurtlary bilen «Bir guşak, bir ýol» başlangyjyna gatnaşyjy ýurtlaryň arasynda medeni alyşmalaryň ösmegine itergi bermegine garaşylýar. Gyşky Aziýa oýunlary sebitiň ýurtlarynyň arasynda hyzmatdaşlygy berkitmekde we özara ösüş gazanmakda köpri bolup hyzmat eder.
«Öňe gidişlik» nyşany sportuň şort-trek görnüşi boýunça typyjynyň keşbini, Harbin şäheriniň güli hasaplanýan siren gülüni we Aziýanyň Olimpiýa geňeşiniň Gün nyşanyny özünde jemleýär.
«Binbin» we «Nini» şekilleri 2023-nji ýylyň sentýabr aýynda Harbindäki Sibir gaplaňlarynyň seýilgähinde doglan iki sany ajaýyp Sibir gaplaňynyň çagalarynyň esasynda döredildi. Bu şekiller medeni ynamy alamatlandyrýar we medeni ýaşaýşa ruhlandyrýar. Olar Hytaýyň taryhy baradaky gürrüňlere öz goşantlaryny goşarlar.
ORIENT news
