Suratlar: müňlerçe ýabany at Sinszýanyň garly düzlüginden barýarlar
Hytaý Halk Respublikasynyň Sinszýan-Uýgur awtonom raýonynynyň Çžaousu Ili-Gazak uýezdinde garly düzlük boýunça erkana gezip ýören ýabany atlaryň sürüsini görmek bolýar. Bu barada “Ženmin žibao” neşiri habar berýär.
Toýnaklaryň hereketinden ýokary galýan gar tutuş meýdany doldurýar we haýran galdyryjy görnüşi emele getirýär.
Çžaousu uýezdiniň ilatynyň durmuşy gadymdan bäri at bilen baglanyşyklydyr. Soňky ýyllarda bu ýerde at bilen bagly dürli çäreler we çapyşyklar ýygy-ýygydan geçirilýär.
Garly düzlük boýunça çapyp barýan atlary synlamak jahankeşdelerde hem ýatdan çykmajak duýgulary döredýär.
Bu ýeriň gaýtalanmajak görnüşlerini adamlara ýetirmek üçin köpçülikleýin habar beriş serişdelerini wekilleri dürli gepleşikleri taýýarlaýarlar. Ýakynda “SWNS” teleýaýlymy bu ýeriniň ilatynyň durmuşy barada gürrüň berýän dokumental filmi surata düşürdi. Onda Içerki Mongoliýadaky bir adamyň garly, aýazly howada çukura gaçan bogaz aty halas etmek üçin elinden gelenini etmeginiň hekaýasy gürrüň berilýär.
At bütinleý hereketsiz diýen ýaly ýatyrdy. Ýerli ýaşaýjy çukura gaçan aty ýeke galdyryp bilmedi we ony halas etmek üçin dostlaryna jaň etdi. Netijede, ýörite awtoulag arkaly at halas edilýär.
Düşürilen dokumental filmde bu wakalar has täsirli beýan edilýär. At hiç zat bolmadyk ýaly erkin durmuşyna gaýtadan gaýdyp gelýär.
Sosial ulgamlarda atyň halas bolanyndan soň, bu ýeri terk etmän, adamlara minnetdarlygyň alamaty hökmünde seredendigi bellenýär.
ORIENT news
