Serdar Berdimuhamedow Kerman şäherinde bolan terrorçylykly hereket zerarly gynanç bildirdi

Ýanwar 04, 2024 | 21:56 |6763

Çeşme: irna.ir

Türkmenistanyň Prezidenti Serdar Berdimuhamedow Eýran Yslam Respublikasynyň Prezidenti Seýed Ebrahim Raisä we goňşy ýurduň doganlyk halkyna Kerman şäherinde bolup geçen, köp sanly adam pidalaryna we şikes ýetmelere getiren terrorçylykly hereket zerarly gynanç hatyny iberdi.

Türkmenistanyň döwlet Baştutany şu agyr pursatda partlama zerarly gurban bolanlaryň dogan-garyndaşlaryna hem-de ýakynlaryna ýürekden gynanjyny, medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdi.

Türkmen halkynyň Milli Lideri, Halk Maslahatyň Başlygy Gurbanguly Berdimuhamedow hem Eýran Yslam Respublikasynyň Beýik ruhy lideri Seýed Ali Hoseýnä Kermanda bolan waka sebäpli gynanç hatyny ýollady.

ORIENT news

Serdar Berdimuhamedow Kerman şäherinde bolan terrorçylykly hereket zerarly gynanç bildirdi

Beýleki habarlar

Pakistanyň ilçisi Türkmenistanyň Garaşsyzlyk gününiň öňüsyrasynda bag ekmek dabarasyna gatnaşdy

Türkmenistanyň Garaşsyzlygynyň 35 ýyllygynyň baýramy

ABŞ-nyň Federal ätiýaçlyk ulgamynyň syýasatyny berkitmegine garaşylýan şertlerde Ýaponiýanyň döwlet obligasiýalarynyň girdejililigi 1996-njy ýyldan bäri iň ýokary derejä ýetdi