Aşgabatda TESOL usulyýeti boýunça ilkinji maslahat geçirilýär
8-nji ýanwarda Halkara ynsanperwer ylymlary we ösüş uniwersitetinde “Başga dilli adamlara iňlis dilini okatmak” atly tema boýunça maslahat geçiriler. Oňa Türkmenistanyň Bilim ministrliginiň wekilleri şeýle hem ABŞ-nyň ilçisi Mettýu Klimou gatnaşar.
Maslahata has takygy, orta mekdeplerden, bilim merkezlerinden we Türkmenistanyň ýokary okuw mekdeplerinden 250 mugallym, şeýle hem amerikan hünärmenleri gatnaşar. Duşuşykda dil öwrenmekde öňdebaryjy usullar we tehnologiýalar ara alnyp maslahatlaşylar.
TESOL başgaça “Başga dilli adamlara iňlis dilini okatmak” diýlip atlandyrylyp, şu at bilen mugallymlara ýörite sertfikatlar hem berilýär. Bu maksatnama boýunça mugallymlary taýýarlamak tejribesi dünýäde giňden ýaýrandyr. Ol 1966-njy ýylda ABŞ-nyň Wirjiniýa ştatynyň Aleksandriýa şäherinde esaslandyryldy.
ORIENT news
