Haryt çig-mal biržasynda nebithimiýa, ýeňil senagatyň önümleri we el halylary satyldy
13-nji dekabrda Türkmenistanyň Döwlet haryt çig-mal biržasynda geçirilen söwdalaşyklarda içerki we daşarky bazara nebithimiýa, ýeňil senagatyň önümleri we türkmen el halylary ýerlenildi.
Daşarky bazarda Birleşen Arap Emirlikleriniň işewürleri Türkmenistanyň Dokma senagaty ministrliginden aşgarlanmadyk nah ýüplügisatyn aldylar.
Şeýle hem Türkiýe we Gyrgyzystan Respublikasynyň işewürleri ýerli kärhanadan nah ýüplükleri satyn almak barada geleşik baglaşdylar.
Içerki bazarda türkmen işewürleri "Türkmennebit" döwlet konserninden "BND 60/90" kysymly şepbeşik nebit ýol bitumy we "TPP D 30 S" kysymly polipropileni, şeýle-hem türkmen el halylaryny satyn almak barada geleşik baglaşdylar.
Söwdalaşyklaryň barşynda jemi bahasy 13 776 835,86 manada we 3 769 940,00 ABŞ dollaryna deň bolan 14 geleşik baglaşyldy.
Türkmenistanyň Döwlet haryt çig-mal biržasynda geçirilýän söwdalaşyklar barada has giňişleýin şu salga girip öwrenip bilersiňiz.
ORIENT news
