Özbegistan bilen BAE özara sürüjilik şahadatnamasyny ykrar ederler
Özbegistanyň we BAE-niň içeri işler ministrleri sürüjilik şahadatnamalaryny özara ykrar etmek barada Ähtnama gol çekdiler. Onuň 2024-nji ýylyň 27-nji ýanwarynda güýje girmegine garaşylýar. Özbegistandaky sürüjilik şahadatnamasy bolan BAE-niň ýaşaýjylary şeýle-de Emirlikleriň ygtyýarnamasy alnanda synaglardan boşadylar.
Onuň güýje girmegi bilen, iki ýurduň raýatlarynyň, başga bir ýurduň çägine baranda (uzak möhletli ýaşamak üçin gelenlerden başga) milli sürüjilik şahadatnamasy bar bolanlaryň ulaglary sürmäge hukugy bolar. Mundan başga-da, BAE-niň ýaşaýjylary (uzak möhletli ýaşamak hukugyny alan) we milli sürüjilik şahadatnamasy bolan Özbegistanyň raýatlary BAE-niň sürüjilik şahadatnamasyny almak üçin synaglardan boşadylar diýip, gazeta.uz habar berýär.
Içeri işler ministrliginiň wekiliýeti BAE-den bolan kärdeşleri bilen transmilli guramaçylykly jenaýatçylyga, terrorçylyga, ekstremizme, adam söwdasyna we kiber jenaýatçylyga garşy bilelikdäki göreş meselelerini hem ara alyp maslahatlaşdy.
ORIENT news
