Ykdysady hyzmatdaşlyk boýunça hökümetara türkmen-rus toparynyň mejlisi ýanwar aýynda geçiriler
Moskwada Russiýa Federasiýasynyň Hökümetiniň Başlygynyň orunbasary Alekseý Owerçuk bilen Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredowyň arasynda duşuşyk geçirildi.
Taraplar söwda-ykdysady hyzmatdaşlygyň häzirki meselelerini ara alyp maslahatlaşdylar we 2023-nji ýylyň 10-njy oktýabrynda Aşgabatda geçirilen Hökümetara ykdysady hyzmatdaşlyk toparynyň başlyklarynyň duşuşygyndan soň gazanylan ylalaşyklaryň ýerine ýetirilişine syn berdiler.
Owerçuk we Meredow, Hökümetara toparynyň 13-nji mejlisine we 2024-nji ýylyň ýanwar aýynda Türkmenistanda geçiriljek ikinji türkmen-rus işewürlik forumyna taýýarlyk barada pikir alyşdylar. Bu barada Russiýanyň Hökümetiniň resmi web-saýtynda habar berildi.
ORIENT news
