Türkmen-rus işewürlik forumy Hökümetara toparynyň mejlisine gabatlanyp geçiriler
Türkmenistanda ikinji Türkmen-rus işewürlik forumyny geçirmäge taýýarlyk görülýär. Ol Türkmenistanyň we Russiýa Federasiýasynyň Ykdysady hyzmatdaşlyk boýunça Hökümetara toparynyň nobatdaky mejlisiniň çäklerinde geçiriler. Bu barada Russiýanyň we Türkmenistanyň daşary işler ministrleriniň duşenbe güni Moskwada bolan duşuşygyna salgylanyp, Russiýanyň Daşary işler ministrligi habar berýär.
"Biz strategiki hyzmatdaşlygymyza ýokary baha berýäris. Ykdysady hyzmatdaşlyk boýunça hökümetara topary netijeli işleýär. Onuň indiki mejlisine taýýarlyk görülýär. Onuň şu gezekki mejlisiniň has-da netijeli bolmagy üçin, onuň çäklerinde bilelikdäki işewürlik forumy hem geçiriler"-diýip, Sergeý Lawrow belledi.
Hökümetara türkmen-rus ykdysady hyzmatdaşlyk toparynyň 12-nji mejlisi 2022-nji ýylyň dekabrynda Moskwada geçirilipdi.
2023-nji ýylyň ýanwar aýynda Aşgabatda türkmen-rus işewürlik forumy geçirildi, oňa gatnaşmak üçin premýer-ministr Mihail Mişustiniň ýolbaşçylygyndaky Russiýa Federasiýasynyň uly wekiliýeti geldi.
ORIENT news
