«Magtymguly Pyragy» portaly döredildi
Dekabr 04, 2023 | 13:35 |2510
Türkmenistanda Gündogaryň beýik akyldary we nusgawy şahyr Magtymguly Pyragynyň doglan gününiň 300 ýyllygyna bagyşlanyp, «Magtymguly Pyragy» atly portaly döredildi.
Saýtyň bölümlerinde şahyryň ýaşan döwri, terjimehaly we dünýägaraýşy, goşgularydyr eserlerini öwrenmek, Magtymguly Pyraga bagyşlanan kitaplardyr gollanmalar boýunça gyzykly maglumatlar ýerleşdirilipdir.
Mundan başga-da, portalda şahyryň Türkmenistanda we beýleki ýurtlarda gurlan ýadygärlikleriniň suratlary, meşhur adamlaryň şahyr hakda aýdan sözleri, beýik şahsyýete bagyşlanan dokumental hem-de çeper filmler, suratlar, dürli neşirler, nusgawy döredijilik mirasymyza degişli ylmy işler öz beýanyny tapýar.
Saýta magtymgulypyragy.gov.tm salgysy arkaly girip bilersiňiz!
ORIENT news
