Güneşli günde gyş ertekisi: Aşgabatda ýene bir gyş festiwaly geçirildi
Dekabr aýynyň başynda ýekşenbe, açyk howaly we birneme şemally günde - kiçi baýramdan lezzet almak üçin amatly şertler. Täze ýyl ýakynlaşýar we Aşgabat Halkara mekdebi (AHM) eýýäm gowy däbe öwrülen çäräni - ýene bir gyş baýramyny geçirdi.
Mekdep birnäçe ýyl bäri, Täze ýyl dynç günleriniň öňisyrasynda baýramçylyk keýpini bermek üçin öz içinde köp sanly myhmanlary ýygnaýar.
Eýsem, bu festiwal näme? Uly duşuşygy guraýjylaryň biri Aýgül Dawliýewa bu soraga jogap berdi:
-Gyş festiwalynyň esasy temasy, adyndan görnüşi ýaly, gyş, Täze ýyl... Şeýle çäräni geçirmek bilen, adamlarda bu dabaraly lezzetiň ojagyny oýarmak we olar üçin kiçijik baýramçylyk guramak isleýäris.
Geçelgelerde oýunjaklar, şemler, kitaplar we başga-da köp zatlar, sahnada bolsa myhman artistler bar. Howanyň güneşli bolmagy sebäpli, myhmanlar hatda howluda hem açyk howa hem dynç alýardy.
Lotereýa ýakymly soňlanyş boldy, esasy baýrak Türkiýä syýahatdy.
Agşam ýakynlaşanda myhmanlar kem-kemden dargap başladylar, ýöne olaryň hersi baýramçylyk Täze ýyl joşgunynyň bir bölegini alyp gitdiler.
Saparguly Mahtumow
