Gazagystan gämi abatlaýyş we gurluşyk kärhanasyny gurmagy meýilleşdirýär
Gazagystanyň Prezidenti Kasym-Žomart Tokaýew, Dubaýda geçirilen COP28 Bütindünýä howa sammitine gatnaşyp, Gazagystanyň we beýleki ýurtlaryň döwlet edaralarynyň bilen işewür guramalarynyň arasyndaky birnäçe ylalaşyklara gol çekmek dabarasyna gatnaşdy. Bu barada şenbe güni, 2-nji dekabrda “Akorda” metbugat gullugy habar berdi.
Hususan-da, Gazagystanda gämi abatlaýyş we gurluşyk kärhanasyny döretmek ýörelgeleri barada “NK KazMunaýGaz” bilen “AD Ports Group”-yň arasynda Ylalaşyga gol çekildi.
Ylalaşyga laýyklykda taraplar, Gazagystanyň Hazar deňziniň kenarynda gämi abatlaýyş we gurluşyk kärhanasynyň gurulmagy meselesini öwrenmek üçin bilelikdäki iş toparyny döreder.
“Abu Dhabi Ports Group”, şeýle hem Gazagystan “NK Temir Žoly” bilen bilelikdäki kärhanany döretmek barada Ylalaşyk baglaşdy.
Mundan başga-da, Gazagystan Respublikasy bilen BAE-niň arasynda ýel elektrik stansiýasy taslamasyny (1 GWt) durmuşa geçirmek barada Hökümetara ylalaşygyna hem-de Gazagystan Respublikasynyň Energetika ministrligi, “Samruk-Kazyna” paýdarlar jemgyýeti we BAE-niň Maýa goýum ministrligi Gazagystanyň çäginde umumy kuwwaty 10 GWy bolan pes uglerodly energiýany ösdürmek barada özara düşünişmek boýunça Ähtnama we beýleki resminamalara gol çekildi.
ORIENT news
