Aşgabatda ýaş we geljekki diplomatlar üçin gepleşikleri geçirmek boýunça seminarlar geçirildi
Kyrkdan gowrak ýaş we geljekki diplomatlar 29-njy noýabrdan 1-nji dekabr aralygynda Aşgabatda geçirilen gepleşikleri täsirli geçirmek boýunça okuw seminarlaryna gatnaşdy.
ÝHHG-niň Aşgabatdaky merkezi Türkmenistanyň ýaş we geljekki diplomatlaryny konfliktiň öňüni almak we irki duýduryş ulgamynda öňdebaryjy tejribe we mehanizmler bilen tanyşdyrmak we täsirli gepleşikleri geçirmek we diplomatik ukyplaryny ýokarlandyrmak üçin zerur bilimler we endikler bilen üpjün etmek üçin seminarlar gurady.
"Köp ýyl bäri üstünlikli alyp barýan bu okuwlarymyz, ajaýyp okuw usulydygyny subut etdi" – diýip, ÝHHG-niň Aşgabatdaky merkeziniň syýasy meseleler boýunça geňeşçisi William Lif belledi.
"Gitdigiçe birek-birege bagly dünýäde netijeli gepleşikleri geçirmek ukyby aýratyn ähmiýete eýe we bu okuw sapagy gatnaşyjylary halkara diplomatiýasynyň kynçylyklaryny çözmek üçin zerur gurallar bilen üpjün etmegi maksat edinýär" -diýip Lif sözüniň üstüni ýetirdi.
Niderlandiýaly doktor Sami Faltas gatnaşyjylara diplomatik gepleşikler barada gürrüň berdi we olary professional gepleşikçiniň häsiýetlerini ara alyp maslahatlaşmaga çagyrdy. Köptaraplaýyn gepleşiklere, olaryň görnüşlerine we gurallaryna aýratyn üns berildi. Gatnaşanlar diplomatiýa we gepleşik başarnyklary bilen meşgullandylar we köptaraplaýyn gepleşiklerde simulýasiýa maşkyna gatnaşdylar.
"Bu seminarlarda alnan bilim, tejribe ýaş we geljekki diplomatlara Bitarap Türkmenistanyň sebit howpsuzlygyny güýçlendirmek tagallalaryna has täsirli goşant goşmaga mümkinçilik berer"-diýip, William Lif belledi.
Ýaş diplomatlar üçin geçirilen seminara Türkmenistanyň Daşary işler ministrliginiň 14 işgäri, geljekki diplomatlar üçin niýetlenen seminara ministrligiň Halkara gatnaşyklary institutynda we Halkara ynsanperwer ylymlary we ösüş uniwersitetinde “Halkara gatnaşyklary we hukuk” hünäri boýunça bilim alýan 27 sany uly kurs talyplar gatnaşdylar.
ORIENT news
