Türkmenistanyň Adalat ministrliginiň wekilleri Bişkekde geçirilen foruma gatnaşdylar
Türkmenistanyň Adalat ministrliginiň wekilleri 30-njy noýabrda - 1-nji dekabr aralygynda Gyrgyzystanyň paýtagty Bişkekde geçirilen “Ösüş giňişligi. Täze sanly hakykat” (BIFSD 2023) atly halkara forumyna gatnaşdy.
Çäräniň dowamynda sanly taslamalary durmuşa geçirmek we hyzmatdaşlygyň geljegi uly ugurlary bilen baglanyşykly häzirki zaman meseleleri ara alnyp maslahatlaşyldy. Gozgalmaýan emläge baha bermek we gözegçilik etmek meselelerine aýratyn üns berildi diýlip, Gyrgyz Respublikasynyň Ministrler Kabinetiniň ýanyndaky Binagärlik, gurluşyk we ýaşaýyş jaý we jemagat hyzmatlary döwlet gullugy habar berýär.
"Bu çäre döwlet işgärleriniň we daşary ýurt guramalarynyň gatnaşmagynda geçirilýär" diýlip habarda bellenýär. Mundan başga-da, forumda ýer giňişliginde maglumat alşygyny gowulandyrmak meselesi ara alnyp maslahatlaşyldy.
ORIENT news
