Täze ýyl mynasybetli baýramçylyk söwdasy 5-nji dekabrda başlanar

Dekabr 01, 2023 | 08:35 |9770

5-nji dekabrdan başlap Aşgabat we Arkadag şäherlerinde hem-de welaýatlarda Täze ýyl mynasybetli baýramçylyk söwdasy we hyzmatlary badalga alar. Bu barada wise-premýer Batyr Atdaýew penşenbe güni geçirlen Ministrler Kabinetiniň nobatdaky mejlisinde Türkmenistanyň Prezidentine hasabat berdi.

Türkmenistanyň Prezidenti Serdar Berdimuhamedow hasabaty diňläp, Halkara Bitaraplyk güni we Täze ýyl baýramçylygy mynasybetli göçme söwda nokatlarynyň guralmagynyň möhümdigine ünsi çekdi. Olarda raýatlaryň baýramçylyk saçaklaryny naz-nygmatlar bilen bezemegi üçin dürli görnüşli harytlar bolmalydyr.

Şunuň bilen baglylykda, döwlet Baştutany wise-premýere birnäçe tabşyryklary berdi.

ORIENT news