Aşgabatda guraljak sergä 100-e golaý türk kompaniýasy gatnaşar
100-e golaý türk kompaniýasy 6 — 8-nji dekabry aralygynda Aşgabatda geçiriljek Ykdysady hyzmatdaşlyk boýunça hökümetara türkmen-türk toparynyň ýedinji mejlisine, Türkiýe Respublikasynyň eksport harytlarynyň sergisine hem-de onuň çäklerinde Türkmen-türk işewürlik maslahatyna gatnaşar.
Bu barada wise-premýer Batyr Atdaýew wise-premýer Batyr Atdaýew penşenbe güni geçirlen Ministrler Kabinetiniň nobatdaky mejlisinde Türkmenistanyň Prezidentine hasabat berdi.
Gatnaşyjy kompaniýalar, esasan, senagat ugurly kärhanalar üçin tehnologik enjamlary, gurluşyk we oba hojalyk tehnikalaryny, suw arassalaýjy, üpjünçilik ulgamynyň enjamlaryny, binalaryň ýyladyş, howalandyryş we sowadyş ulgamlaryny, barlaghana enjamlaryny, öý hojalyk tehnikalarynyň dürli görnüşlerini, ýuwujy serişdeleri öndürmek, bank, saglygy goraýyş, bilim edaralarynyň enjam üpjünçiligi ugurlarynda iş alyp barýarlar.
ORIENT news
