Aşgabadyň “100 çüwdürim” we “Baýram han türkmen” seýilgähleriniň durky täzelener
Noýabr 27, 2023 | 12:03 |9552
Aşgabat şäher häkimligi “100 çüwdürim” we “Baýram han türkmen” seýilgähleriniň durkuny täzelemek üçin bäsleşik yglan etdi. Bu baradaky bildiriş “Türkmenistan” gazetinde çap edildi.
Gyzyklanýan taraplaryň arzalary we teklipleri 2024-nji ýylyň 10-njy ýanwaryna çenli Türkmenistanyň Gurluşyk we binagärlik ministrliginiň Bazary öwreniş we daşary ykdysady gatnaşyklar bölüminde kabul edilýär we hasaba alynýar.
Bu iki seýilgäh hem paýtagtyň iň köp barylýan ýerleriniň biridir.
ORIENT news
