Türkmenistanyň we Türkiýäniň daşary işler ministrleri telefon arkaly hyzmatdaşlygyň möhüm meselelerini ara alyp maslahatlaşdylar
Türkmenistanyň Daşary işler ministri Raşid Meredow penşenbe güni, 23-nji noýabrda türkiýeli kärdeşi Hakan Fidan bilen telefon arkaly söhbetdeşlik geçirdi.
“Gepleşikleriň dowamynda taraplar türkmen-türk hyzmatdaşlygynyň häzirki möhüm ugurlaryny ara alyp maslahatlaşdylar. Şol bir wagtyň özünde, ýokary döwlet derejesinde gazanylan ikitaraplaýyn şertnamalaryň iş ýüzünde durmuşa geçirilmegine aýratyn üns berildi"-diýip, Türkmenistanyň DIM-niň metbugat-beýanatynda bellenýär.
Diplomatik gullugyň berýän habaryna görä, Türkmenistanyň we Türkiýäniň Daşary işler ministrlikleriniň ýolbaşçylary yzygiderli syýasy gepleşikleri dowam etdirmek barada ylalaşdylar.
Şu ýylyň oktýabr aýynda Hakan Fidan Aşgabat şäherine geldi we Prezident Serdar Berdimuhamedow bilen duşuşyp, ýakyn wagtda Türkiýä boljak resmi saparynyň doganlyk gatnaşyklarynyň täze sahypalaryny açjakdygyna ynam bildiripdi.
ORIENT news
