Ýitip barýan tebigat - halkara surat baýragy “AI”-ni peýzaždan çykarýar
Kanadaly suratçy we peýzažçy Bleýk Rendall, peýzaž şekilleriniň hakykylygyny we asyl nusgalygyny belleýän we her ýyl geçirilýän halkara surat bäsleşiginde “Natural Landscape Photography Awards 2023” baýragyna eýe boldy.
Aldawly sanly redaktirleme usullarynyň öňüni almaga we emeli intellektiň ulanylmagyna garşy gönükdirilen bäsleşigiň has berk düzgünleri, dünýäniň dürli künjeklerinden zehinli suratçylaryň gatnaşmagyna päsgel bermedi. Bu ýylky bäsleşik, üçünji gezek bolup, 54 ýurtdan 1023 suratçydan 11176 suratlary kabul etdi.
Ähli finalçylardan emin agzalar tarapyndan asyl RAW faýllary, ýagny çig, işlenmedik maglumatlar faýllaryň berilmegi talap edildi. Olarda kamera datçigi tarapyndan düşürilen şekil maglumatlary bar.
Şeýle etmek bilen, emeli intellektiň we kompýuterde döredilen şekilleriň artýan meşhurlygynyň tersine, planetamyzyň üýtgemedik tebigy gözelligini ele almagyň hakyky tejribesini gorap, peýzaş suraty üçin berk standart kesgitlenýär.
Entäk “AI” hakykaty biziň üçin doly ýerine ýetirýänçä, Ýeriň dürli ýerlerinde tebigatyň nähili ajaýypdygyna seredeliň. Ine-de, bäsleşikde iň gowusy diýlip saýlanan käbir suratlar.
ORIENT news
