Merkezi Aziýa döwletleri we ABŞ täze işewürlik gurşawyny döretmegi öňe sürýärler
Türkmenistan, Gazagystan, Täjigistan, Gyrgyzystan, Özbegistan hem-de Amerikanyň Birleşen Ştatlary “MA+1” formatyndaky hyzmatdaşlygyň çäklerinde täze “B5+1” işewürlik platformasyny döretmegi öňe sürýärler. Bu barada Gazagystanyň köpçülikleýin habar beriş serişdeleri mälim edýär.
Bu başlangyjyň üsti bilen sebitleýin ykdysady baglanyşygy we özgertmeleri, döwlet-hususy gepleşikleri, innowasiýalary we sebitdäki ýurtlara daşary ýurt maýa goýumlaryny ösdürmek arkaly ykdysady howpsuzlyga pugtalandyrmak göz öňünde tutulýar.
Täze hyzmatdaşlyk platformasynyň ilkinji mejlisi 2024-nji ýylda Almatyda geçiriler. Bu platformanyň Almaty, Bişkek, Daşkent ýaly gür ilatly şäherleriň üstünden geçýän demir ýol we beýleki taslamalary durmuşa geçirmek üçin amerikan maýa goýumlaryny çäkmäge ýardam etjekdigi bellenilýär.
ABŞ-nyň Prezidenti Jo Baýden BMG Baş Assambleýasynyň 78-nji mejlisiniň çäklerinde geçirilen köptaraplaýyn duşuşykda Merkezi Aziýa ýurtlary bilen bilelikdäki işewürlik platformasyny döretmek başlangyjy bilen çykyş etdi. Bu başlangyç Merkezi Aziýa döwletleri bilen ABŞ-nyň arasynda ykdysady hyzmatdaşlygy ösdürmäge gönükdirilendir.
ORIENT news
