Türkmen-eýran gepleşikleriniň jemleri boýunça 900 million dollarlyk şertnamalar baglaşyldy
Aşgabatda geçirilen Bilelikdäki hökümetara toparynyň 17-nji mejlisiniň çäginde gazanylan şertnamalaryň pul hasabyndaky möçberi takmynan 900 million dollar boldy. Bu barada Eýranyň “IRNA” habarlar agentlgi mälim edýär.
"Iki ýurduň häkimiýetleri ýol gurluşygy boýunça 550 million dollarlyk, şeýle hem elektrik geçiriji liniýasynyň gurluşygy we elektrik enjamlary bilen üpjün etmek boýunça 340 million dollarlyk iki şertnama gol çekdi" diýlip, habarda bellenýär.
Toparyň indiki mejlisiniň geljek ýylyň noýabr aýynda Eýranda geçiriljekdigi mälim edilýär.
Eýran wekiliýetiniň Türkmenistana amala aşyran sapary wagtynda dürli ugurlarda, hususan-da söwda-ykdysady, senagat, infrastruktura pudaklaryna degişli hyzmatdaşlyk şertnamalaryna gol çekilendigini bellemelidiris.
ORIENT news
