Özbegistanyň daşary işler ministri Bahtiýor Saidow iş sapary bilen Aşgabat şäherine geldi
Noýabr 17, 2023 | 19:50 |6520
Türkmenistanyň we Özbegistanyň daşary syýasat edaralarynyň ýolbaşçylary ikitaraplaýyn gatnaşyklaryň häzirki gün tertibi barada pikir alyşdylar. Gepleşikler anna güni Aşgabatda Özbegistan Respublikasynyň daşary işler ministri Bahtiýor Saidowyň Aşgabat şäherine eden iş saparynyň çäginde geçirildi.
Diplomatlar döwletara formatda, halkara we sebit gurluşlarynyň çäginde hyzmatdaşlygyň oňyn ösüşini bellediler we ýokary derejedäki gepleşikleriň dowamynda gazanylan ylalaşyklaryň ýerine ýetirilmegi bilen baglanyşykly häzirki meselelere ünsi jemlediler. Bu barada Türkmenistanyň DIM-niň metbugat beýanatynda habar berilýär.
Duşuşykda ýetip gelýän duşuşyklaryň we çäreleriň tertibiniň hem barlanandygy habar berildi.
ORIENT news
