TDHÇMB-nyň geleşikleri: nebithimiýa, ýeňil senagatyň önümleri we el halylary satyldy
17-nji noýabrda Türkmenistanyň Döwlet haryt çig-mal biržasynda geçirilen söwda geleşiklerinde daşarky bazara her kilogramynyň bahasy 1.87 ABŞ dollaryna barabar bolan nah ýüplügi, her toplumyň bahasy 6.50 ABŞ dollardan durýan "Flanel" düşekleri, her toplumyň bahasy 7,00-8,00 ABŞ dollaryna barabar bolan "Kreton" düşekleri ýerlenildi.
Içerki bazarda her tonnasynyň bahasy 7 800.00 manada barabar bolan "KO-20" kysymly kerosin, her tonnasynyň bahasy 2 500.00 manada deň bolan "BND" kysymly bitum, her tonnasynyň bahasy 25 000.00 manatdan durýan "TPP D 382 BF" kysymly polipropilen, her kilogramynyň bahasy 36.00-37.80 manada barabar bolan gaty nah ýüplükler, her inedördül metr bahasy 4.75 manada barabar bolan 100% pagtadan "Flanel" dyky matasy we her inedördül metr bahasy 1 805.50-3 164.80 manatda bahalanýan türkmen el halylary satyldy.
Birleşen Arap Emirlikleriniň işewürleri ýerli kärhanalardan umumy bahasy 1 823 400,00 ABŞ dollarlyk nah ýüplükleri, "Flanel" we "Kreton" düşeklerini satyn almak barada geleşik baglaşdylar. Türkmen işewürleri "Türkmennebit" döwlet konserninden "KO-20" kysymly kerosini, "BND" kysymly bitumi, "TPP D 382 BF" kysymly polipropileni 82 496 000,00 manada satyn almak barada geleşik baglaşdylar.
Türkmenistanyň Dokma senagaty ministrliginden gaty nah ýüplükleri, 100% pagtadan "Flanel" dyky matalaryny umumy bahasy 1 804 187,50 manada satyn almak barada geleşik baglaşdylar. Umumy bahasy 814 053.24 manatlyk türkmen el halylary ýerlenildi.
Anna güni jemi bahasy 85 114 240,74 manada we 1 823 400,00 ABŞ dollaryna deň bolan söwda geleşikleriň 63-si baglaşyldy.
ORIENT news
