Gazagystanda 20 millionynjy ýaşaýjy doguldy

Noýabr 18, 2023 | 06:55 |4807

Gazagystanda 20 millionynjy ýaşaýjy dünýä indi. Bu barada Kasym-Žomart Tokaýewiň sözlerine salgylanyp, "Tengrinews" neşiri mälim edýär.

"Gazagystanyň ilatynyň sany 20 milliona ýetdi. Watandaşlarymyzy bu şanly waka bilen gutlaýaryn! Bagtly maşgala - milletiň rowaçlygynyň, ýurduň durnukly ösüşiniň binýadydyr. Döwletimiz maşgala gymmatlyklaryny berkitmek, eneligi we çagalygy goramak boýunça işleri dowam etdirer" diýip, Prezident Tokaýew özüniň "X" hasabynda mälim edýär.

Gazagystanyň 19 millionynjy raýaty 2021-nji ýylyň awgustynda doglupdy.

ORIENT news