Aşgabat we Tähran ykdysady hyzmatdaşlygy ösdürmekde pikirlerini ara alyp maslahatlaşdylar
17-18-nji noýabr aralygynda Aşgabatda Ykdysady hyzmatdaşlyk hökümetara türkmen-eýran toparynyň 17-nji mejlisi geçirilýär.
Toparlara türkmen tarapyndan wise-premýer, Daşary işler ministri Raşid Meredow, eýran tarapyndan ýol we şäher gurluşyk ministri Mehrdad Bazrpaş ýolbaşçylyk edýär.
Duşuşyga iki ýurduň birnäçe ministrlikleriniň we edaralarynyň ýolbaşçylary we wekilleri hem gatnaşýar.
Duşuşygyň birinji gününiň gün tertibine söwda, ykdysady, ýangyç-energetika pudaklary, ulag we logistika, senagat, oba hojalygy we suw dolandyryşy, maýa goýumlary we standartlaşdyryş pudagyndaky ikitaraplaýyn gatnaşyklaryň häzirki meseleleri girýär. Bu barada Türkmenistanyň Daşary işler ministrliginiň metbugat beýanatynda habar berilýär.
Mundan başga-da, mejlisde hökümetara komissiýanyň öňki çagyryşynyň kararlaryny ýerine ýetirmekdäki öňegidişlik seljerildi. Şenbe güni Türkmenistan bilen Eýranyň arasyndaky Ykdysady hyzmatdaşlyk boýunça hökümetara toparynyň mejlisi öz işini dowam etdirer.
ORIENT news
