Gündogar sebitdäki gaz paýlaýjy desga gyş möwsümine taýýar
Lebap welaýatynyň gaz paýlaýjy desgasy gyş möwsümine taýýar. Sebitiň gazçy hünärmenleri degişli desgada abatlaýyş işlerini üstünlikli tamamladylar. Şeýle hem welaýatyň ilatyna akdyryljak zerur bolan tebigy gazyň möçberi kesgitlenildi. Bu barada "Neýtralnyý Türkmenistan" gazeti mälim edýär.
Sebitde takmynan 380 gaz paýlaýyş stansiýasy bolup, olarda üznüksiz tehniki işler alnyp barylýar. Geçirilýän bu çäreler, sarp edilişiň ýokarlanmagy sebäpli gyşda ilaty gaz bilen bökdençsiz üpjün etmäge gönükdirilendir.
Häzirki wagtda "Lebapgazüpjünçilik" müdirliginiň hünärmenleri diňe bir Lebap welaýatyndaky 212 müňden gowrak hojalygy gaz bilen bökdençsiz üpjün etmek bilen çäklenmän eýsem, senagat we durmuş desgalaryny we täze ilatly ýerleri gazlaşdyrmak boýunça hem iş alyp barýarlar.
ORIENT news
