Daşary işler ministri ýapon kärdeşleri bilen hyzmatdaşlygy ösdürmek meselelerini ara alyp maslahatlaşdy
Çarşenbe güni 15-nji noýabrda, Türkmenistanyň Daşary işler ministri Raşid Meredow Ýapon-türkmen ykdysady hyzmatdaşlyk boýunça komitetiniň başlygy, Itochu Corporation-iň ýerine ýetiriji wise-prezidenti Hiroýuki Tsubaý bilen wideokonferensiýa arkaly söhbetdeşlik geçirdi.
Söhbetdeşlikde taraplar gün tertibinde hyzmatdaşlygyň esasy taraplaryny ara alyp maslahatlaşdylar we türkmen-ýapon gatnaşyklarynyň geljegi barada pikir alyşdylar.
Türkmen Daşary işler ministrliginiň ýolbaşçysy ykdysady pudakda ikitaraplaýyn hyzmatdaşlygyň durnukly we uzak möhletli häsiýetini belläp, bu ugurda Türkmen-ýapon we Ýapon-türkmen hyzmatdaşlyk boýunça komitetleriniň möhüm ornuny belläp geçdi.
Kärdeşler, şeýle hem, Türkmenistanyň Daşary işler ministrligi bilen Ýaponiýanyň Ykdysadyýet, söwda we senagat ministrlikleriniň arasynda gol çekilen infrastruktura pudagyndaky hyzmatdaşlyk Memorandumynyň Ýol kartasyny täzelemegiň zerurdygyny bellediler.
ORIENT news
