"Cambridge Dictionary" ýylyň sözüni kesgitledi. Bu işlik bolup, ol “AI” bilen baglanyşyklydyr
Kembrijiň iňlis dili sözlügi ýylyň sözüne emeli aň (AI) tehnologiýasynyň ösmegi bilen täze many gazanan “galýusinirlemek” işliginiň adyny berdi.
Gürrüňiň aýratyn emeli intellekt bilen baglanyşykly bu sözüň belli bir manysy hakda gidýändigi bellendi. Sözlük bu termini “AI” önümçiliginde “ýalan maglumatlar” diýip kesgitleýär.
“Bu modeller barha täsir galdyrýar we käbirleri kanunçylyk we lukmançylyk synaglaryndan hem geçip bilýärler! Ýöne olara sorag bereniňizde, dogry düşünerler diýip garaşmaň: “AI” modelleriniň düýbünden dogry däl bir zady "düzen" käbir görnükli ýagdaýlary-da boldy. Bu ýalňyşlyklary galýusinasiýa ýa-da bulaşyklyk diýip atlandyrýarys. Umuman aýdanyňda, “AI” modellerinden alýan netijeleriň takyklygy we hili, olaryň taýýarlan maglumatlarynyň mukdaryna we hiline baglydyr”.
Awtorlaryň bellemegine görä, ýylyň bu sözüniň saýlanylmagy, täze manysynyň emeli intellekt temasynyň näme üçin beýle jedel döredýändigini açyk görkezýändigi bilen baglanyşyklydyr.
Ýylyň sözüniň hormatyna, sözlük iňlis diline ýaňy-ýakynda giren emeli intellekt terminlerine bagyşlanan ýazgy ýerleşdirdi: çat-bot, generatiw “AI” we ş.m.
Mundan öň britan iňlis sözlügi “Collins Dictionary” “AI” -ni ýylyň sözi hökmünde ykrar etdi.
ORIENT news
