Türkmenistan we Ýaponiýa bilim ulgamynda hyzmatdaşlygy pugtalandyrmagy maksat edinýärler
Noýabr 17, 2023 | 18:55 |5602
16-njy noýabrda Türkmenistanyň Ýaponiýadaky ilçisi A.Baýramow bilen Ylmy we tehnologik hyzmatdaşlyk boýunça türkmen-ýapon assosiasiýasynyň başlygy, Tokionyň tehnologiýalar institutynyň hormatly professory H.Koinomanyň arasynda duşuşyk geçirildi.
Gepleşikleriň barşynda ylym, bilim we tehnologiýa ugurlarynda türkmen-ýapon özara hereketleriniň oňyn depgine eýedigi bellenilip geçildi. Taraplar ylym-bilim ulgamyndaky özara gatnaşyklaryň has-da işjeňleşdirilmeginiň zerurlygyny nygtadylar. Bu barada Türkmenistanyň Ýaponiýadaky ilçihanasy habar berýär.
Ýokary okuw mekdepleriň ugry boýunça gatnaşyklaryň ählitaraplaýyn pugtalandyrylmagy maksady bilen taraplar hyzmatdaşlygyň hukuk binýadyny berkitmek boýunça pikir alyşdylar.
ORIENT news
